Grischun Central - Nagin sistem automatic cunter fieu en la Landi a Tusaun - Novitads

Grischun Central Nagin sistem automatic cunter fieu en la Landi a Tusaun

La Landi a Tusaun, ch'è brischada giu avant in'emna dal tuttafatg, è stada en flommas entaifer be paucas minutas. In emprendist aveva dà fieu al bajetg. Per Marco Sgier da l'assicuranza da fieu dal Grischun era spert cler, ch'i na saja betg stà in accident.

Autur: Ursin Lechmann

Cunquai che la Landi venda liquids sco benzin, ieli e liquid per schubregiar il vaider dal auto è il bajetg da la Landi a Tusaun brischà uschè spert. Sche quels liquids brischian, possia propi ir spert, di Marco Sgier da l'assicuranza d'edifizis.

audio

Bunura: Tusaun – Co po in fieu sa derasar uschè svelt?

ord Actualitad dals 22.12.2017.

laschar ir. Durada: 2 minutas 44 Secundas.

Nagin indriz automatic da stizzar fieu

Pudì impedir il fieu, ni almain impedir che la butia brischia uschè spert, avess in indriz che stida fieu automaticamain. Quel è dentant betg perscrit per ina butia en questa grondezza e ch'è mo sin in plaun.