Siglir tar il cuntegn

Header

Il fravi da chavals Hans Andrea Fontana ch'è gia otg onns president communal d'Andeer po prolungar ses uffizi per ils proxims trais onns.
Legenda: Il fravi da chavals Hans Andrea Fontana ch'è gia otg onns president communal d'Andeer po prolungar ses uffizi per ils proxims trais onns. RTR, Federico Belotti
cuntegn

Grischun Central Nagina schanza per candidats selvadis ad Andeer

Hans Andrea Fontana è vegnì confermà sco president communal per la proxima perioda d’uffizi da trais onns che cumenza il schaner. El ha survegnì 70 vuschs ed è vegnì elegì en l’emprim scrutini. Era reelegids èn ils suprastants Andreas Mani e Rico Stoffel e la suprastanta suppleanta Elvira Torri.

In di avant l’elecziun era vegnì enconuschent, che Johannes Mani da Pignia veglia attatgar il post dal president communal. El ha survegnì 48 vuschs. En suprastanza avevan Benedikt Brand e Clo-Duno Conrad annunzià d'attatgar dus posts. Nov en la cumissiun da gestiun èn vegnids elegids Gondini Fravi e Thomas Haberstich. Confermà sco commember da la gpk è vegnì Arno Lombardini. Sco suppleant è vegnì elegì Fluregn Melchior.

Nov reservuar - pe da taglia resta

Ultra da quai ha la radunanza communala dad Andeer approvà il project dal nov reservuar Ruinal, che custa 1.8 milliuns francs. Approvà è vegnì il preventiv dal 2020. Quel serra cun expensas da radund 10.51 milliuns francs cun entradas da 10.26 milliuns francs cun in surpli d’expensas da circa 250'000 francs. Il pe da taglia resta sin 90%.

RTR novitads 06:00