A l'ospital da Tusaun è terminà il nov bajetg annex suenter ina fasa da construcziun da 4 mais. Sco quai che l'ospital Tusaun communitgescha, sajan integrads en las pitgas da la plazza d'atterar per helicopters ina basa da salvament dal Grischun central e duas ulteriuras auzadas. En ina da quellas sa chatta da nov er il labor. Cun ina passarella è il nov bajetg annex collià cun l'emprim'auzada dal bajetg da l'ospital.
Basa da salvament per salvament dal Grischun central
Gia daditg eran ins a la tschertga per il plazzament dals autos da salvament. Cun la fusiun dal salvament dals ospitals Savognin, Tusaun ed il servetsch d'ambulanza Tusauen è sa furmà il salvament dal Grischun central, ch'è uss integrà en l'ospital da Tusaun.
Il nov bajetg annex da l’ospital Tusaun ha custà dus milliuns francs, finanzià è quel vegnì cun reservas e cun in credit dalla banca.
