Siglir tar il cuntegn

Header

cuntegn

Grischun Central Parc Ela: 200 km a pe en 90 uras

El duess daventar in project da piunier: Il Park Ela Trek. 19 etappas duessan en l’avegnir passar tras las alps da la regiun en ed enturn il Parc Ela. I duess esser in’alternativa per las purschidas da trekking tras il Canada e la Nova Zelanda, uschia l’idea dals promoturs dal Parc Ela.

Tgi che vul far l’entira ruta dal Parc Ela Trek sto esser fit: Dapli che 200 kilometers ston vegnir pigliads sut ils pes en quellas 19 etappas, en tut vegnan surmuntads 15'000 meters d’autezza e quai cun in temp da viandar da passa 90 uras. Il Park Ela Trek nizzegia tut sendas da viandar existentas. Pernottà vegn en pensiuns u tegias existentas. Vitiers da nov vegnan ils lieus Alp da Stierva, in’acla sin il Pass dal Set, l’Alp d’Err, Stugl, Jenisberg e la Villa Luna al Leg da Grevasalvas. Plaz duessi dar per mintgamai 6 – 10 persunas.

audio
Parc Ela: Trec da 200 km e 19 etappas
ord Total local dals 19.08.2019. Maletg: Keystone
laschar ir. Durada: 3 minutas 15 Secundas.

Sustegn da diversas varts

Per l’entir project datti in sustegn finanzial da vischnancas, chantun e confederaziun e da las societads d’alp. Per la planisaziun dals divers projects per il svilup regiunal stattan a disposiziun 170’000 francs. La fin da settember vegnan ils divers projects parzials ed ils plans da fatschenta surdads a la Confederaziun e sche tut va tenor plan duess il Park Ela Trek vegnir avert l’onn 2021.

RR actualitad 11:00

Artitgels legids il pli savens