Siglir tar il cuntegn

Header

Cun quest fegl sgulant vegn fatg propaganda per in gea a l'urna.
Legenda: Cun quest fegl sgulant vegn fatg propaganda per in gea a l'urna. RTR, Federico Belotti
cuntegn

Parc Ela Gruppa da Sursettras pretenda in Gea a l'urna

Suenter ch’in comité ha annunzià l’emda passada da dir Na al nov contract per il Parc Ela, datti ussa er ina gruppaziun che recumonda in Gea a la votaziun a l'urna dals 21 da favrer.

Oz gievgia è vegnì repartì in fegl sgulant en las chasadas dal Surses. Iniziantas èn la hoteliera da Beiva Martina Lanz e Carmen Dedual da Parsonz. Sustegnidas vegnan ellas da 26 persunas indigenas. La populaziun enconuschia ils avantatgs dal Parc Ela vegn fatg valair, e perquai ins duessi dir Gea al contract per ils proxims diesch onns. Il Parc Ela stettia per in turissem persistent e miaivel, segireschia plazzas da lavur e stettia per fitg bler auter.

Surstar fetschia la reproscha da divers adversaris dal parc che ditgian, ch'ils aderents dal parc sajan cunter las pendicularas. Quai saja mo in'emprova da chatschar in cugn tras la populaziun, stat plinavant scrit en il fegl sgulant.

RTR novitads 17:00

Artitgels legids il pli savens

Scrollar a sanestra Scrollar a dretga