Siglir tar il cuntegn

Header

cuntegn

Parc Ela Scuvert graffiti alpin da Beiva

A la festa dal grip dal Parc Ela a Beiva è vegnì scuvert l’emprim art graffiti da las Alps. Gregorio Torriani, hotelier e co-organisatur da la festa dal grip, ha envidà l’artist svizzer Patrick Wehrli alias Redl. El è vegnì enconuschent cun sias bleras ovras ch’el ha fatg sin l’entir mund.

L’ovra è vegnida realisada sin la pli veglia chasa da Beiva. Da la vischnanca Surses hai dà ina lubientscha temporara per trais onns, suenter sto l’ovra puspè vegnir dismessa. L’ovra è dapli che 100 meters quadrat gronda e porta il titel «Andiamo». Ella simbolisescha il Parc Ela e mussa la significaziun dal grip e crap per il conviver tranter l’uman e la natira. La matta ch’è da vesair sin la pictura è ina mattatscha da dudesch onns che viva a Beiva.

Il graffiti en 45 secundas (Video: MAD, Redl)

Video
Making of da l’emprim art graffiti da las Alps
Or da RTR Social dals 05.08.2019.
laschar ir

Pitschens miraculs dal mund en ils parcs svizzers

L’invit da Redl ha gì lieu en il rom da la campagna «Pitschens miraculs dal mund» da l’Uffizi d’ambient BAFU en collavuraziun cun la rait dals parcs svizzers. Cun la campagna duai vegnir fatg attent sin la rolla dals 18 parcs da natira svizzers per la cultura, economia, natira e furmaziun. Gia l’atun passà ha il Parc natiral Beverin realisà in project cun l’artist austriac Richard Dorfmeister ensemen cun il Cor maschado Donat a danturn ed il Cor maschado Calandaria.

RR actualitad