Simon Egger ha ditg, ch’el haja ils emprims mais emprendì d'enconuscher tut ils partenaris e collavuraturas e collavuraturs. Il temp saja passà fitg spert. Bler da far haja gia dà la planisaziun per ils onns 2025-2028, vi da la tala il parc saja il mument vidlonder.
Bel chattia el vi dal Parc natiral Beverin ch’ins saja da manaivel a la populaziun, ed i saja ina cuntrada fitg bella. Main bel saja l’autostrada che passia tras il parc, ma senza na giaja natiralmain betg, e plinavant portia la via era nova glieud en il parc.
Ideas per l’avegnir dal parc ha Egger era gia. Uschia ha el tradì ch’i fissi bel sch'il parc pudessia en l’avegnir generar entradas. Quai cun betg adina esser mo intermediatur, mabain era purschider d’ina offerta u in servetsch.
