Radund 100 enfin 120 pignols da l’agen guaud ha la gruppa forestala da Surses vendì l'onn passà a la populaziun. Ed il selvicultur Pascal Murbach quinta er quest onn che la populaziun ha gugent in pignol indigen. Latiers han abitantas, abitants e giasts da Surses la pussaivladad da ir a resgiar sez in pign en il guaud – ensemen cun ils umens da la gruppa forestala. Questa purschida vegn tenor Pascal Murbach zunt appreziada da famiglias cun uffants.
La crux cun las guglias
Sper ils pigns or da l’agen guaud venda la vischnanca da Surses er pigns da Nordmann cumprads. L'avantatg da quels è, che lur guglias tegnan pli ditg. En avegnir vegn la vischnanca er a pudair porscher sez pignols da Nadal che tegnan pli ditg: Avant dus onn han els entschet a plantar aviezs en in'atgna pitschna plantascha. En 10 enfin 15 onns vegnan ils emprims chatschs d’aviez ad esser gronds avunda.
Ord l'archiv
Il 2017 ha RTR accumpagnà durant in di l'uffizi forestal da la vischnanca da Surses en il guaud.
In pignol sin temp
In pignol da Nadal - quel s’auda tar blers en stiva durant il temp da festa. Ma suenter quels dis èsi savens finì cun il pignol e quel vegn dismess. I dat dentant era l’opziun da prender a fit il pignol e suenter laschar crescher vinavant el. La via dal sem enfin ad il pignol ornà – il Minisguard declera.
RR actualitad 08:00