Siglir tar il cuntegn

Header

video
Reparaturas pretensiusas sin la via al Spleia
Or da Telesguard dals 21.06.2019.
laschar ir
cuntegn

Plievgiadas donnegian vias Pass dal Spleia resta serrà – fin ils 7 da fanadur

Las plievgiadas da l'emna passada hajan fatg gronds donns – quai surtut vi da la punt sur il Hüscherabach si sur la vischnanca da Spleia, ma er vi da la via sur il pass. Quai scriva l'Uffizi da construcziun bassa..

Las plievgiadas dal mardi e la mesemna da l'emna passada han mess en malura differentas parts da la via dal Pass dal Spleia. Uss èn ils lavurants vid reparar ils donns. Tenor Gion Dosch da l'Uffizi da construcziun bassa s'avanzian las lavurs bain ed ins quinta da puspè avrir la via dal pass ils 7 da fanadur.

Crap da stgarpitsch: punt sur il Hüscherabach

Ina visita sin il lieu mussa quai ch'il chantun aveva gia punctuà en si'infurmaziun a las medias: La punt sur il Hüscherabach gist si sur la vischnanca da Spleia è vegnida donnegiada fermamain.

Cun quai che l'aua ha maglià vi dal fundament da la punt na saja quella pli segira. Il traffic duai manar sur ina punt provisorica:

Radund 10 auters lieus donnegiads

En pli sajan diversas passaschas dal pass vegnidas inundadas cun glitta e glera u magliadas ora – en tut haja quai dà var diesch ulteriurs eveniments, scriva il chantun. Las lavurs per metter ad ir puspè il traject sajan difficilas, s'avanzian dentant bain.

RR actualitad 17:20

Artitgels legids il pli savens

Scrollar a sanestra Scrollar a dretga