Siglir tar il cuntegn
Inhalt

Grischun Central Premiera da ballet sin la tur dal Güglia

Dumengia saira è stada la premiera dal toc «I’m not scared» dal festival cultural Origen. Il toc da Ilia Jivoy raquinta d’ina revoluziun, da resistenza cunter il destin e da la forza umana, da far midadas. Sco quai che Origen scriva en ina communicaziun, haja quai dà ovaziuns sin pe.

Sin tribuna èn stads solists dal ballet russ da Mariinsky, tranter els Xander Parish, Kateryna Chebykinia e Roman Belyakov. Il ballet Mariinsky da St. Petersburg tutga tar ils pli gronds e pli impurtants ensembles dal mund. Tar il repertori da la gruppa da bellet tutgan classichers da ballet, ovras che n’èn betg uschè enconuschentas en il vest or dal temp sovietic.