Siglir tar il cuntegn

Header

audio
Puspè im medi per Casti: Reavertura da la pratica
Or da Total local dals 11.09.2018.
laschar ir. Durada: 2 minutas 7 Secundas.
cuntegn

Grischun Central Puspè in medi per Casti: Reavertura da la pratica

La pratica da medi da Casti, ch’è serrada dapi circa quatter onns, è puspè averta. Dapi ils trais da settember è il medi dad Alvagni Harald Jung preschent a Casti. Quai mintgamai il glindesdi suentermezdi e la gievgia avantmezdi.

La pratica da medi sa chatta da manaivel da la staziun – e la possessura da l’immobiglia è la vischnanca Albula/Alvra. Il president communal Daniel Albertin ha ditg ch’i saja fitg cuntentaivel ch’ins haja pudì reavrir la pratica.

I saja in grond basegn da pudair porscher servetschs medicinals a Casti, quai surtut per quels ch’il viadi ad Alvagni è memia grond.

Il medi Harald Jung ha ditg ad RTR ch’el vuleva l’emprim sa viver en ad Alvagni. Uss, suenter esser en la val dapi bun in onn e mez, saja el pront da surpigliar er la pratica da Casti. Cun quai ch’i na deva nagina infrastructura pli a Casti, haja el stuì far intginas investiziuns. Radiografias stoppia el vinavant far ad Alvagni, tut il rest saja pussaivel era a Casti.

Ils davos medis ch'han lavurà en la pratica da medi a Casti èn stads Bernd Hausmann e Stefano Bonazzi.

RR Total local 11:45

Artitgels legids il pli savens