Siglir tar il cuntegn

Header

audio
Nov manader e sviluppader Mirko Pianta
Or da Actualitad dals 27.02.2023. Maletg: RTR
laschar ir. Durada: 3 minutas 25 Secundas.
cuntegn

Regiun Alvra Mirko Pianta daventa nov manader da la regiun Alvra

Perquai che Roman Bergamin va en pensiun l’entschatta fanadur ha la conferenza dals presidents da la regiun elegì Mirko Pianta sco nov manader da la regiun Alvra.

L’engaschament da Mirko Pianta sa cumpona d'in engaschi da 60% per la gestiun e da 40% dal svilup regiunal. Sper la gestiun operativa da la regiun cumpiglia il pensum er la gestiun dal persunal, incumbensas administrativa e la participaziun al svilup da la strategia regiunala. Er la collavuraziun en connex cun il plan directiv da la regiun tutga tar il pensum dal manader.

Premissas optimalas

Actualmain lavura Mirko Pianta tar l’administraziun communala a Tavau sco manader da l'Uffizi da la populaziun e dal stab directiv communal. El ha gia lavurà tar differents uffizis chantunals en ils secturs d’administraziun da persunal e finanzas sco er informatica e logistica. L'um da 48 onns ch'abitescha a Domat ademplescha uschia las premissas per la lavur tar la regiun Alvra.

RTR novitads 16:00

Artitgels legids il pli savens