Siglir tar il cuntegn

Header

Legenda: Las differentas parts dal «Rutsch da Brinzauls» MAD, vischnanca Albula/Alvra
cuntegn

«Rutsch da Brinzauls» La spertadad da la sbuvada è per part sa stabilisada

La spertadad cun la quala il «Rutsch da Brinzauls» sa mova è per part sa stabilisada, cumpareglià cun ils ultims mais da stad, cura ch'i veva pluvì intensiv. Tar il vitg saja il moviment percunter s'augmentà levet. Quai ha communitgà la vischnanca d'Alvra. Il mument ruschnia Brinzauls cun ina spertadad dad 1,5 meters ad onn. Ils experts quintan che la situaziun pudess sa quietar in zic l'atun, sch'i na dat betg plievgia intensiva u sch'i na plova betg sur in pli lung temp. L'enviern stoppian ins dentant puspè quintar cun in augment da la spertadad.

Spertadad actuala dal moviment

Avrir la box Serrar la box

(meters per onn / trend dals davos dus mais)

  • Plateau/front: 2,5m / stagnond
  • Vest: 6,5m / stagnond
  • Insla: 9,0m / stagnond
  • Fil Caltgeras (GPS): 3,6m / creschend
  • Sbuvada Vitg: 1,5m / creschend

Gallaria da sondar

Vinavant hajan ins finì las lavurs da preparaziun per la gallaria da sondar che duess esser bajegiada fin l'avrigl 2022. Ord questa gallaria vul ins furar en la sbuvada e schar currer giu l'aua en l'Alvra. Avant ch'entschaiver da bajegiar han ins protocollà ils donns existents vid bajetgs per saver identifitgar donns novs durant il temps da bajegiar. La gallaria da sondar vegn ad esser 635 meters lunga e bajegiada tras avanzament cun siglientadas.

Ord l'Archiv

La vischnanca ha installà drenaschas, uss datti las emprimas experientschas.

audio
Brinzauls: Emprimas experientschas cun drenaschas
01:53 min, Actualitad dals 27.08.2021.
laschar ir. Durada: 01:53 minutas.

RTR novitads 06:00

Artitgels legids il pli savens

Scrollar a sanestra Scrollar a dretga