A Savognin po il conturn dal nov hotel Grava ch'è en construcziun vegnir embellì per radund 1 milliun francs. La radunanza communala da glindesdi saira, ha approvà il credit e quai senza cuntravusch.
Per far pli attractiv il quartier ch'è il center turistic dal vitg, vul la vischnanca da Surses tranter auter schlargiar il passape da la via Sandeilas e sanar la Punt Caltgera.
Ultra da quai han ils da Surses ditg Gea ad in credit da 930'000 francs per sanar la via da Talvanga – Cresta da Lai – Pro Barlegn. Las lavurs vegnan exequidas en dus pass il 2020 ed il 2021.
