Numnà vegn il Quadrin autarc Alphaus Val Surses. Durant la stad èsi pussaivel da reservar quest alloschi per enfin 4 persunas, quai sur l’organisaziun turistica. Gist or dals letgs dal Quadrin autarc ves'ins sin las muntognas sur ina fanestra panoramica. Grond è il Quadrin autarc circa sco ina rulotta d’ina grondezza media. I dat ina maisa, ina cuschina cun duas plattas ed ina duscha cun ina tualetta.
Energia solara ed aua da plievgia
L’energia vegn producida cun la forza dal sulegl, 15 panels solars èn repartids sur la fatschada ed il tetg. 10 uras kilowatt pon vegnir arcunadas en ina battaria. 1'200 liters aua pon vegnir arcunads en in tanc. Cura ch’i plova vegn l’aua rimnada e nettegiada sur divers filters. Stgaudada vegn l’aua sur ina pigna da laina che stgauda era l’entira chasina.
L’aua tschuffa va en ina pitschna serenera ch’è bajegiada en ina chasina laterala che vesa ora sco in mini Quadrin. Là vegn l’aua tschiffada nettegiada e sorta or dal tanc en in foss, ed or dal rest datti terra da cumpost. Il Quadrin autarc è in prototip. En l’avegnir vul la Uffer SA construir Quadrins autarcs era en dimensiuns pli grondas.
