Siglir tar il cuntegn

Header

audio
Savognin: Las sfidas da construir il nov hotel
Or da Actualitad dals 09.04.2020.
laschar ir. Durada: 03:00 minutas.
cuntegn

Savognin Lavurs da construir nov hotel han mo pitschen retard

Il mars han cumenzà las lavurs da construir il nov hotel Grava a Savognin. Per respectar las reglas da la distanza lavuran actualmain be tschintg persunas sin il plazzal, uschia che las lavurs hajan in retard da circa duas emnas. Quai ha ditg Enrico Uffer, il manader da la Uffer SA da Savognin.

Enrico Uffer quinta dentant ch’il plan da termin dad avrir l'hotel la primavaira da l’auter onn saja realistic. Cun la furniziun da rauba funcziunia tut bain il mument, ed era producir ils elements en la halla da producziun Padnal a Savognin funcziunia bain. Ins haja dentant adattà las uras da lavur, uschia ch'ils lavurers entschaivian gia la damaun a las tschintg e lavurian enfin las diesch la saira, quai en dus servetschs empè mo dad in. Uschia possian ins lavurar tenor las reglas da «social distancing», ha ditg Uffer. Lavur curta na saja il mument nagin tema en fatschenta cunquai ch’i dovria blera glieud per construir l’hotel nov che custa radund 15 milliuns francs. Quitads fa Enrico Uffer dentant per l’avegnir, el quinta che bleras incumbensas futuras pudessan vegnir annulladas pervi dal coronavirus.

Las lavurs ch'han entschet l'atun, cundinueschan era durant ils temps dal Coronavirus.
Legenda: Las lavurs ch'han cumenzà l'atun, cuntinueschan era durant ils temps dal coronavirus. RTR, Federico Belotti

RTR actualitad 12:00

Artitgels legids il pli savens

Scrollar a sanestra Scrollar a dretga