Siglir tar il cuntegn

Header

audio
Volg da Savognin sa fa quitads
Or da Actualitad dals 22.12.2020.
laschar ir. Durada: 03:05 minutas.
cuntegn

Savognin Novas reglas d’avertura fan quitads al Volg

Butias na pon il mument betg pli avrir la dumengia e durant firads. Quai ha decidì il Cussegl federal. Per las festas da Nadal munta quai per exempel, che butias ston serrar durant trais dis, numnadamain ils 25, 26 e 27 da december. Per il Volg a Savognin è quai ina gronda sfida.

Sco quai che Conrad Plaz, il manader da fatschenta dal Volg Grava e Son Mitgel a Savognin, ha ditg, quinta el cun fitg blera glieud ils 24 ed ils 28 da december. Surtut per ils 28 da december quinta el cun gronds problems perquai che las dus filialas dal Volg a Savognin èn lura stadas serradas trais dis.

Perquai duai là vegnir avert gia la damaun a las sis e l’ura d’avertura duai vegnir schlargiada fin sin las set. Plinavant veglia il Volg engaschar ina persuna che controlleschia, quanta glieud ch’entria en butia. Conrad Plaz intimescha da far las cumpras mintgamai da mo ina famiglia e betg da plirs commembers da la famiglia. Ils indigens intimescha el da far las cumpras grondas il pli tard ils 23 da december.

RTR actualitad 17:00

Artitgels legids il pli savens

Scrollar a sanestra Scrollar a dretga