Grischun Central - Savognin: Occuppà 2/3 da las abitaziuns per seniors
Dapi il december è l’emprima chasa cun abitaziuns per seniors a Savognin pronta, e la segunda chasa è pronta il matg. E co i vesa ora, è l’interess per las abitaziuns grond. Per dus terzs da tut las 24 abitaziuns è gia vegnì suttascrit in contract.
Legenda:
La chasa davos è gia abitada e las lavurs da la chasa davant fineschan la primavaira.
RTR, Federico Belotti
2 / 8
Legenda:
Uschia vesan ora tut las cuschinas.
RTR, Federico Belotti
3 / 8
Legenda:
Mintga bogn è accessibel cun ina sutga da rodas e mintga bogn ha era ina maschina da lavar la vestgadira ed in tumbler.
RTR, Federico Belotti
4 / 8
Legenda:
Tut las abitaziuns han in balcun.
RTR, Federico Belotti
5 / 8
Legenda:
Tut las abitaziuns han in palantschieu da lain.
RTR, Federico Belotti
6 / 8
Legenda:
Grazia ina porta automatica èsi pli simpel d'entrar en la chasa cun ina sutga da rodas.
RTR, Federico Belotti
7 / 8
Legenda:
Il palantschieu dal tunnel è antiglischnant.
RTR, Federico Belotti
8 / 8
Legenda:
Cun quest nov ascensur èsi pussaivel da vegnir sin l'auzada dal Spar, l'auzada dals parcadis e l'auzada dal tunnel.
RTR, Federico Belotti
En la chasa ch’è gia pronta èn anc libras tschintg abitaziuns, ed en la chasa ch’è pronta il matg èn libras anc trais abitaziuns. «Nus essan cuntents cun l’occupaziun e sperain che nus pudain proximamain occupar era las abitaziuns vidas», ha ditg Clemens Poltera, il president dal cussegl d'administraziun dal Center da Sanadad Savognin SA. Bainprest sa vegn'ins anc a far ina reclama pli gronda en la pressa locala.
audio
Bunura: Abitaziuns per seniors a Savognin èn bain occupadas
02:07 min, ord Actualitad dals 08.02.2019.
laschar ir. Durada: 2 minutas 7 Secundas.
Il project dal Center da Sanadad Savognin SA custa 10,2 milliuns francs. Bun trais quarts vegnan finanziads entras credits da bancas. Ils avdants pon far diever da servetschs supplementars sco empustar menus u laschar lavar la vestgadira. Il spital è collià entras in tunnel cun las abitaziuns. Persunas che vulan pon avair in’ura, e cun quella ins po clamar in emprim agid sch’i fa da basegn.
