Siglir tar il cuntegn

Header

audio
Exposiziun cun skizza da Giovanni Segantini a Savognin
Or da Actualitad dals 06.01.2024. Maletg: RTR
laschar ir. Durada: 3 minutas 52 Secundas.
cuntegn

Savognin Skizza da Segantini vegn exponida

Il pictur renumà Giovanni Segantini ha vivì a Savognin tranter ils onns 1886 e 1894. Per embellir la baselgia da Nossadunna ha el fatg ina skizza cun sias ideas. Realisadas n'èn ellas betg. La skizza è ussa dentant exponida en la Sala Segantini a Savognin.

Trais baselgias datti a Savognin, ma betg ina dad ellas ha ina fatschada picturada da Giovanni Segnatini. L’onn 1889 aveva Segantini fatg ina skizza per picturas vi da la fatschada da la baselgia da Nossadunna. Pertge ch’el n’ha betg fatg la lavur n’è betg enconuschent. I dettia paucas funtaunas e bleras famas, ha ditg Juliane Sauer, la curatura da l’exposiziun Segantini – la skizza en splendur. Ina da las teorias è, che quels da Savognin na vulevan betg pajar la colur per picturar la baselgia.

L’exposiziun cuzza enfin la fin da mars da quest onn. Tranter auter datti a l’exposiziun infurmaziuns da Giovanni Segantini e sias staziuns da la vita. Il 2016 ha in studi dal criticher d’art Beat Stutzer demussà, che la skizza è propi vegnida fatga da Giovanni Segantini.

RTR ura culturala 11:00

Artitgels legids il pli savens