La regenza ha concedì a la vischnanca da Surses ina contribuziun chantunala da radund 196'000 francs per construir las plazzas da sport La Nars a Savognin. La contribuziun vegn concedida en connex cun in emprest da la Confederaziun da 844'000 francs. Il mars ha il suveran da Surses approvà in credit d'impegn da 4,5 milliuns francs per quest project.
Il project cumpiglia trais plazzas da tennis per la stad. L’enviern vegn la plazza duvrada per ina patinera artifiziala. Gist sper las plazzas duessi dar gardarobas, indrizs sanitars, in magasin ed ina ustaria.
