Dumegia suentermezdi hai a Schmitten dà ina contaminaziun d'auas entras puschina. D'in bain puril è puschina or d'in foss ida sur in prà fin il flum Landwasser. Quai communitgescha la polizia chantunala.
Cunquai che nagin n'ha vis quai per in pli lung temp, ha questa puschina contaminà l'aua. Al lieu èn stads pumpiers da l'Alvra, l'uffizi da chatscha e pestga, sco er l'uffizi per la natira e l'ambient. Tecnicists da l'ovra electrica Alvra han laschà tras dapli aua per reducir la concentraziun da la puschina en il Landwasser. Sco proxim sclereschan spezialists da l'Uffizi da chatscha e pestga, sch'i ha dà donns vi da l'effectiv da peschs.
