Senda enferrada al Piz Mitgel resta serrada quest onn

Il guid da muntogna Geni Ballat ha dentant observà che la fessa en la muntogna n'è betg vegnida pli gronda. La tema che plirs meters cubics grip pudessan sa distatgar e destruir la senda è il mument pli pitschna che anc la primavaira.

La fessa al Piz Mitgel è puspè pli pitschna. Bild in Lightbox öffnen.

Legenda da maletgs: La fessa al Piz Mitgel è puspè pli pitschna. Geni Ballat

La tema d'ina crudada da grip è stada gronda questa primavaira cura ch'il guid da muntogna Geni Ballat ha controllà la senda enferrada dal Piz Mitgel. Ina fessa en il grip era vegnida pli gronda. La senda ha l'iniziant e responsabel alura serrà per la publicitad.

Fessa è vegnida pli pitschna

Ussa ha Ballat observà che la fessa è puspè vegnida pli pitschna. Quels dis vegn el ad inspectar la fessa ed il grip per chattar soluziuns per eventualmain fixar il grip periclità, uschia Ballat. La finamira è da porscher vinavant la senda enferrada a tut ils interessents. La segirezza dals alpinists haja dentant adina prioritad, punctuescha il guid da muntogna Geni Ballat.

RR actualitad 08:00