Linda Netzer da Savognin ha avant in onn cumenzà sia lavur en il team dal Parc Ela – atgnamain per gidar or. Il november da l'onn passà è ella vegnida tschernida sco directura, cunquai che Veronika Widmann ha decidì suenter ses congedi da maternitad da betg pli turnar en l'organisaziun.
Las finanzas, la concentraziun e la visiblitad
Linda Netzer è sezza surstada quant gronda che la differenza tranter in job ad interim e la posiziun da directura è. «Quai ha jau sutstimà» di la dunna da 49 onns. Per ella, che deriva da la branscha dal turissem è il Parc Ela ina perla e cun sia natira ina schanza tut speciala. Il medem mument saja ella er ferm da l'opiniun ch'ins stoppia esser visibel sco Parc e sco organisaziun. «Ina Tgesa Parc Ela ni forsa diveras chasettas» quai savess esser ina via, sch'il center a Casti na vegn betg realisà ni sch'els ston bandunar las localitads nua ch'ina part dal team è.
Er sche l'uniun ha ils davos onns fatg reservas da passa 1,6 milliuns francs, che savess dar ina reducziun da 10% dals daners cunquai chel la Confederaziun ha da spargnar, fetschia schon er quitads – ella discurra pli gugent da schanzas. Ina schanza saja per exempel da sa focusar pli ferm e per paia forsa sin pli paucs projects. Quels dentat far pli visibels ed uschia er il Parc Ela.
Elecziuns en suprastanza
Nov en la suprastanza èn vegnids eligids Daniel Ulber da Lantsch e Lothar Künzli da Savognin. Patrizia Zanini sco president ed il rest da la suprastanza è vegnida confermada.
Or da l'archiv: