Il museum da Spleia sa preschenta suenter in grond project da renovaziun en in vestgì cumplettamain nov. La presidenta dal museum Sabine Simmen di ch’il vegl museum, ch’exista dapi il 1977, na correspundeva betg pli a las aspectativas actualas.
Las uras d’avertura n’èn betg pli adattadas, ed il dumber da visitaders è sa reducì.
Ina gruppa engaschada ha perquai prendì per mauns la refurma fundamentala dal museum – cun success.
Trais locals tematics
Il nov concept sa basa sin trais locals tematics:
- L’emprim tracta l’istorgia dal transit sur ils pass alpins, quella dals Gualsers.
- Il segund sa deditgescha a l’economia dal 19avel tschientaner – i va per il commerzi, la via commerziala e l’emigraziun.
- Il terz local collia vegl cun nov – davent da l’agricultura tradiziunala enfin tar projects gronds sco il tunnel dal San Bernardin.
Concept interactiv
Il museum funcziuna cun in concept modern ed interactiv: «I dat staziuns d’audio, videos, activitads participativas e schizunt pais che las visitadras ed ils visitaders pon auzar per sentir quant grev che la chargia era pli baud per quels che purtavan rauba sur las sendas da viandar», declera Simon. Er ils uffants vegnan resguardads cun gieus e quiz enturn la figura dal dragun Schorsch.
-
Bild 1 von 15. Impressiuns dal museum Spleia durant las lavurs da drizzar en. Bildquelle: RTR.
-
Bild 2 von 15. Bildquelle: RTR.
-
Bild 3 von 15. Bildquelle: RTR.
-
Bild 4 von 15. Bildquelle: RTR.
-
Bild 5 von 15. L'usit dal Pschuuri nua che las fatschas da las dunnas nunmaridadas vegnan coluradas cun nair, ha era in plaz en il museum. Tar l'avertura datti in video en qeusta tavla d'infurmaziun qua. Bildquelle: RTR.
-
Bild 6 von 15. Bildquelle: RTR.
-
Bild 7 von 15. L'usit dal Pschuuri nua che las fatschas da las dunnas nunmaridadas vegnan coluradas cun nair, ha era in plaz en il museum. Tar l'avertura datti in video en qeusta tavla d'infurmaziun qua. Bildquelle: RTR.
-
Bild 8 von 15. Bildquelle: RTR.
-
Bild 9 von 15. Bildquelle: RTR.
-
Bild 10 von 15. Bildquelle: RTR.
-
Bild 11 von 15. Tals turnisters èn vegnids chattads sin il palantschin da la baselgia da Spleia suenter ch'ils Franzos han bandunà la val. Bildquelle: RTR.
-
Bild 12 von 15. Bildquelle: RTR.
-
Bild 13 von 15. Bildquelle: RTR.
-
Bild 14 von 15. Bildquelle: RTR.
-
Bild 15 von 15. Sabina Simmen, la presidenta dal museum Valragn a Spleia. Bildquelle: RTR.
Avert durant set dis l'emna
Ina da las novaziuns centralas è l’access: Il museum è avert mintga di e funcziunescha senza persunal. Uschia pon er giasts spontans visitar il museum durant set dis a l’emna. «Quai è ideal per persunas che passan a pè u che pernotteschan qua», di Simmen.
Investì blers daners en la renovaziun
Il project da renovaziun ha custà 340’000 francs. Grazia a lavur voluntara ed a contribuziuns da fundaziuns, instituziuns e persunas privatas ha il project pudì vegnir realisà. Simmen è cuntenta cun il resultat: «Vesair co tut las ideas vegnan uss realisadas – quai fa grond plaschair.»