L’um da 71 onns duess remplazzar Gerhard Hanhart ch’ha demissiunà il favrer. L’elecziun dal nov president ha lieu probablamain ils sis d’october da quest onn. Sco quai che la vischnanca da Valragn scriva en ina communicaziun, saja Peter P. Tschirky in spezialist da turissem e hotellaria.
Legenda:
Peter P. Tschirky vul presidiar il cussegl d'administraziun da las Pendicularas da Spleia SA.
Vischnanca Valragn
El haja experientschas da plirs onns cun sviluppar vinavant interpresas strategicamain e cun las adattar als basegns dals giasts. Tranter auter ha Tschirky manà la Grand Resort da Bogn Ragaz SA. Dapi il 2017 maina el mandats da la branscha da turissem e sanadad. Actualmain han las pendicularas da Spleia dus co-presidents. Quai èn Sasha Bigger e Christian Simmen, il president communal da Valragn.
