Sufers - Rumantsch en il museum da fortezza Crestawald

La fortezza Crestawald è vegnida construida a l'entschatta da la Segunda Guerra mundiala durant ils onns 1939 fin 1941. La fortezza Crestawald è l'unica ovra d'artigliaria cun chanuns voluminus al cunfin dal Grischun al sid, perquai ch'il Pass dal Spleia era in lieu debel al cunfin cun l'Italia da Mussolini.

La fortezza ha stuì accumplir duas incumbensas militaras

• sustegnair l'infantaria sin il pass dal Spleia, dal San Bernardin ed en la Valragn cun in grond fieu da chanuns.
• impedir cun chanuns ed armas ch'attatgaders pon entrar en la chavorgia da la Roffla.

Er durant la Guerra fraida era la fortezza Crestawald pronta da cumbatter ed è vegnida equipada cun tecnica moderna. In cas d'urgenza n'hai per fortuna mai dà. Il 1995 han ils tiradurs d'artigliaria da Crestawald schluppettà la davosa giada. La fortezza è vegnida bandunada dal militar e transferida en in museum da fortezza.

In museum da fortezza unic

Dapi l'onn 2000 maina l'uniun museum da fortezza Crestawald il museum e sa stenta da finanziar il manaschi  cun bigliets d'entrada, guidas e cun la gastronomia da la fortezza.