Siglir tar il cuntegn

Header

Vischnanca da Surses.
Legenda: Trais persunas na candideschan betg pli – quai èn Gian Sonder, Toni Sonder e Werner Erb. RTR, Federico Belotti
cuntegn

Suprastanza communala Surses Trais persunas na candideschan betg pli

Al segund scrutini per l’elecziun da la suprastanza communala da Surses l’emprim da december, na candideschan trais persunas betg pli, tranter ellas era il vicepresident communal. D'occupar èsi in post en suprastanza.

Sin basa dals resultats flaivels da l’emprim scrutini, han Gian Sonder, il vicepresident communal da Surses, sco era Toni Sonder decidì da betg pli candidar per la proxima elecziun a l’urna. Quai han ils dus umens da Salouf confermà sin dumonda da RTR. Er Werner Erb da Rona, ch’ha survegnì las pli paucas vuschs en l’emprim scrutini, na candidescha betg pli. Romeo Poltera e Madeleine Lienhard da Savognin candideschan tenor atgnas indicaziuns puspè per il segund scrutini.

Gia vegnì confermà en uffizi è il president communal actual Leo Thomann. Trais sezs en suprastanza èn gia repartids. Uss sto anc in sez en suprastanza vegnir occupà da nov. Anc enfin ils 11 da november èsi pussaivel d’inoltrar candidaturas.

RR novitads 12:00