Siglir tar il cuntegn

Header

Grischun Central - Cunfin dal Parc Ela pudess sa midar Il Parc Ela è il mument vi da elavurar la basa per ils contracts per la nova fasa da manaschi da diesch onns che cumenza l’onn 2022. Gia cler è che Tavau Monstein na vul betg sa participar vi dal parc. En il Surses èsi dentant anc intschert, nua ch’il cunfin dal Parc Ela duess passar en l’avegnir.  Autor:RTR, Federico Belotti  Heute, 11:34  Tenor l’artitgel 19 da l’ordinaziun federala da Parcs natirals Svizzers, tutga l’entir perimeter d’ina vischnanca politica en il parc. Excepziuns datti mo per la part champestra da grondas aglomeraziuns sco quai ch’igl è actualmain il cas a Tavau, nua che mo Tagn/Wiesen cumplettescha il Parc Ela l’ur.  Suprastanza decida l'onn proxim En il Surses ins ha malgrà questa regla betg anc decidì, sch’ins vul proponer a las votantas ed ils votants, da laschar ils cunfins dal parc sco enfin ussa. Numnadamain èn las anteriuras vischnancas Tinizong-Rona e Riom-Parsonz che fan oz part a la vischnanca fusiunada da Surses, betg en il perimeter dal Parc Ela. La raschun èn las temas ch’i deva, per realisar projects d’infrastructura. Leo Thomann il president communal da Surses ha ditg ch’ins vegnia il cumenzament da l’auter onn a decider cun la nova suprastanza, tge cunfin ch’ins giavischia cun il Parc Ela en l’avegnir.  Nagina posiziun da las pendicularas Las Pendicularas da Savognin n’han il mument betg vulì prender posiziun en chaussa. Savognin Bivio Alvra Turissem vul decider la sonda proxima davart il cunfin giavischà dal Parc Ela, ha confermà Luzi Thomann, il president dal cussegl d’administraziun.  Tema betg giustifitgada Tar l’uniun Parc Ela ins è da l’avis, ch’ins na stoppia betg avair tema che projects d’infrastructura pudessan vegnir impedids pervi dal parc, ha ditg Paolo Giacometti il president dal Parc Ela.  Nagin gea e nagin na dal BAFU La confederaziun na vul betg prender posiziun en detagl. I saja chaussa dals purtaders dal parc e dal chantun, dad elavurar ina dumonda per renovar il label dal parc, che correspundia a l’ordinaziun dals parcs. Pir sin basa da quella dumonda possia vegnir decidì, sch’ins possia acceptar era eventualas excepziuns en connex cun ils cunfins dal parc, ha scrit l’uffizi d’ambient BAFU sin dumonda da RTR. Uschia èsi il mument intschert, sch’in Parc Ela senza il territori da las anteriuras vischnancas Riom-Parsonz e Tinizong-Rona vegniss acceptà.
Legenda: Vista sin il territori dal Parc Ela: La construcziun da questa pendiculara nova n'ha il Parc Ela betg impedì. RTR, Federico Belotti
cuntegn

Surses Ils cunfins dal Parc Ela pudessan sa midar

Il Parc Ela è il mument vi dad elavurar la basa per ils contracts per la nova fasa da manaschi da diesch onns che cumenza l’onn 2022. Gia cler è che Tavau Monstein na vul betg sa participar al parc. En il Surses èsi dentant anc intschert, nua ch’il cunfin dal Parc Ela duess passar en l’avegnir.

Tenor l’artitgel 19 da l’Ordinaziun federala da parcs natirals svizzers, tutga l’entir perimeter d’ina vischnanca politica en il parc. Excepziuns datti mo per la part champestra da grondas aglomeraziuns sco quai ch’igl è actualmain il cas a Tavau, nua che mo Tagn/Wiesen cumplettescha l'ur dal Parc Ela.

Suprastanza decida l'onn proxim

En il Surses han ins malgrà questa regla betg anc decidì, sch’ins vul proponer a las votantas ed ils votants, da laschar ils cunfins dal parc sco enfin ussa. Numnadamain èn las anteriuras vischnancas Tinizong-Rona e Riom-Parsonz che fan oz part a la vischnanca fusiunada da Surses, betg en il perimeter dal Parc Ela.

video
La grondezia dal Parc Ela è intscherta
Or da Telesguard dals 09.12.2019.
laschar ir

La raschun èn las temas ch’i deva, per realisar projects d’infrastructura. Leo Thomann, il president communal da Surses, ha ditg ch’ins vegnia il cumenzament da l’auter onn a decider cun la nova suprastanza, tge cunfin ch’ins giavischia cun il Parc Ela en l’avegnir.

Nagina posiziun da las pendicularas

Las Pendicularas da Savognin n’han il mument betg vulì prender posiziun en chaussa. Savognin Bivio Alvra Turissem vul decider la sonda proxima davart il cunfin giavischà dal Parc Ela, ha confermà Luzi Thomann, il president dal cussegl d’administraziun.

Tema betg giustifitgada

Tar l’uniun Parc Ela èn ins da l’avis, ch’ins na stoppia betg avair tema che projects d’infrastructura pudessan vegnir impedids pervi dal parc, ha ditg Paolo Giacometti, il president dal Parc Ela.

Nagin Gea e nagin Na dal BAFU

La Confederaziun na vul betg prender posiziun en detagl. I saja chaussa dals purtaders dal parc e dal chantun, dad elavurar ina dumonda per renovar il label dal parc, che correspundia a l’ordinaziun dals parcs. Pir sin basa da quella dumonda possia vegnir decidì, sch’ins possia acceptar era eventualas excepziuns en connex cun ils cunfins dal parc, ha scrit l’Uffizi d’ambient BAFU sin dumonda da RTR. Uschia èsi il mument intschert, sch’in Parc Ela senza il territori da las anteriuras vischnancas Riom-Parsonz e Tinizong-Rona vegniss acceptà.

Vuschà vegn l'onn proxim

En tut ston sis vischnancas decider, sch’i vulan era en l’avegnir restar en il parc. Quai duai succeder l’atun dal 2020.

RTR actualitad 17:00

Artitgels legids il pli savens

Ir a sanester Ir a dretg