Siglir tar il cuntegn

Header

Il president communal da Surses Leo Thomann na vul betg annullar la radunanza communala.
Legenda: Il president communal da Surses Leo Thomann na vul betg annullar la radunanza communala. RTR, Federico Belotti
cuntegn

Surses Radunanza communala na vegn betg annullada

Vaz, Bravuogn Filisur, Lantsch ed Albula/Alvra: Quai èn tut vischnancas ch’han annullà lur radunanzas communalas pervi dal coronavirus. Auter la vischnanca da Surses: Ella na vul betg annullar la radunanza communala dad oz, glindesdi, ils 14 da december.

Sco quai che Leo Thomann, il president communal da Surses ha ditg envers RTR, porschia la Sala Grava avunda plaz, uschia ch’ins possia tegnair en las mesiras da corona dal chantun e da la Confederaziun.

Blers giavischan votaziun a l'urna

Betg cuntent cun questa decisiun è Matthias Schmidt da Bivio. El è il cuniniziant d’ina brev ch’è vegnida suttascritta da circa 180 persunas ch'han pretendì, che las fatschentas da la vischnanca giajan a l’urna. Da quai ha la vischnanca da Surses dentant vulì savair nagut. Ella ha simplamain annullà la radunanza dal november e prendì dapart las tractandas per far duas radunanzas communalas, ina il december ed ina il schaner. Uschia vul la vischnanca da Surses evitar che las radunanzas communalas cuzzan memia ditg.

RTR actualitad 12:00

Artitgels legids il pli savens

Scrollar a sanestra Scrollar a dretga