La vischnanca da Surses quinta da pudair cumenzar cun las lavurs da construcziun l’atun. L'avertura è planisada il december 2025. L’avust 2022 aveva il suveran da Surses refusà in project per in nov lavuratori a Cunter, e perencunter dà l’incumbensa d’elavurar a Savognin in nov project.
Surses fa gudogn
Plinavant ha la radunanza communala approvà il quint dal 2023. Quel serra cun in plus da radund 2,8 milliuns francs tar investiziuns nettas da 7,1 milliuns francs. Per la prefinanziaziun da la nova scola primara Grava a Svognin è la summa da dus milliuns francs vegnida approvada.
Ulteriuras fatschentas
- Approvadas èn vegnidas diversas revisiuns parzialas da la planisaziun locala, numnadamain: Regiun alluvieida (Aue) Alp Curtegns, Zona d‘industreia Gneida, Parc da chalets mobils Rona e Luvratori communal Lecsch.
- Per reparar la via da guaud Caschligns a Cunter, è vegnida approvada la dumonda da credit da 660‘000 francs.
- La revisiun parziala da la lescha da charrar sin vias da funs, guaud ed alps cun vehichels a motor è vegnida approvada.