Siglir tar il cuntegn

Header

La vischnanca da Alvaschagn.
Legenda: Il mument èsi inschert, sche Paul Schlienger vegn anc ina giada a celebrar ina messa ad Alvaschagn. RTR, Federico Belotti
cuntegn

Sustegn per il plevon 125 persunas na vulan betg laschar ir lur plevon

Cun ina brev sa defendan 125 persunas cunter la desditga dal plevon Paul Schlienger. El sto ceder sco plevon en val Alvra perquai ch’el è memia engaschà durant la stad cun sia occupaziun sco custodi da Ziteil en il Surses.

La brev è vegnida tramessa il zercladur a l’uvestgieu da Cuira, al Corpus Catolicum ed a la Plaiv Alvra. Enfin ussa haja quai dà nagina reacziun, ha ditg Rita Romer, ina da las iniziantas da la brev. Tranter auter vegn pretendì en la brev, ch’il plevon Paul Schlienger possia vinavant far messa en Val Alvra.

«Plevon da la Val Alvra e custodi da Ziteil na va betg»

Ils arguments dal vicari general Andreas Fuchs che di che la pastoraziun na saja betg cumpatibla cun esser custodi da Ziteil, vesan ils scrivents da la brev sco stgisa. Ad els manchia la voluntad da tschertgar ina buna schliaziun per tut ils pertutgads. Il plevon saja s’integrà bain durant ils davos 20 onns e vegnia stimà.

Tut che vul restar discret

L’advocat da la plaiv Alvra scriva sin dumonda da RTR che tut las partidas sajan sa cunvegnidas sin discreziun. La suprastanza da la plaiv Alvra saja però optimistica da chattar en l’interess da tuts ina pastoraziun adattada per la Val Alvra.

Per tadlar curt e concis:

RTR novitads 06:00

Artitgels legids il pli savens

Scrollar a sanestra Scrollar a dretga