Il november 1991 è vegnì registrà l'ultim terratrembel en Svizra cun donns da material. L'epicenter è stà a Vaz ed ils apparats da mesiraziun han registrà ina fermezza da 4,7. Donns hai da vi da la baselgia da Muldain. La regiun da Vaz è amez in sectur da terratrembel da Sargans, Scuol e Bregaglia.
La regiun da Vaz è amez ina regiun da terratrembel tranter Sargans, Scuol e la Val Bregaglia. Il november 1991 ha la terra stremblì cun ina fermezza da 4,7 uschia ch'i ha dà donns vi da la baselgia da Muldain ch'ins aveva gist restaurà. Il terratrembel cun epicenter Vaz è er l'ultim che vegn manà dal Servetsch seismologic Svizra sco terratrembel cun donns.
Leo Sigron sa regorda
Legenda:
Leo Sigron, ils davos nov onns president dal cumin baselgia da Vaz.
RTR, Tona Poltera
Il 1991 era el polier e questa funcziun aveva el terminà l'onn avant las lavurs da restauraziun da la baselgia da Muldain. La notg a las 11 cura che la terra ha stremblì saja stà in mument da tema, sa regorda Sigron. «Mai avant e mai suenter», haja la terra a Vaz stremblì talmain sco là. Tuttina ins s'encorschia adina puspè levs terratrembels en la regiun. Quai sa mussa er vi da las fatschadas da las baselgias da Zorten e Lain. «Là ins vesa che la terra trembla adina pupè» resumescha Sigron, ch'è stà ils davos nov onns president dal cumin baselgia da Vaz.
1 / 7
Legenda:
La baselgia da Muldain.
RTR, Tona Poltera
2 / 7
Legenda:
La baselgia da Muldain suenter la restauraziun e suenter il terratrembel dal november 1991.
RTR, Tona Poltera
3 / 7
Legenda:
La baselgia da Zorten.
RTR, Tona Poltera
4 / 7
Legenda:
In da divers stgarps en la fatschada da la baselgia da Zorten.
RTR, Tona Poltera
5 / 7
Legenda:
La baselgia da Lain ha er stgarps.
RTR, Tona Poltera
6 / 7
Legenda:
Il stgarp da la baselgia da Lain continuescha er en il tschiel da la baselgia.
RTR, Tona Poltera
7 / 7
Legenda:
Ina regiun amez ina zona da terratrembel.
RTR, Tona Poltera
