Siglir tar il cuntegn

Header

cuntegn

Tinizong Finanziaziun da pli gronda resgia grischuna è garantida

La resgia gronda ch’è planisada a Tinizong, è in pass vinavant: Suenter il Gea unanim da la radunanza communala da Surses (133:0 vuschs) per la revisiun parziala da la planisaziun locala en la zona d’industria Gravas, succeda ussa l’exposiziun publica da recurs. Finanzià vegn tut cun agens meds.

Sche tut va tenor plan e la regenza approvescha la revisiun parziala a Tinzong, duess la dumonda da bajegiar vegnir inoltrada quest atun. Sco quai che Enrico Uffer, il president da la Resurses SA ha ditg envers RTR, vegnia il project finanzià senza daners dal maun public e senza contribuziuns externas. La realisaziun duess entschaiver il mars da l'auter onn.

Legenda: Visualisaziun da la resgia nova da Tinizong. Resurses.ch

Enfin 30'000 meters cubics laina ad onn duessan vegnir elavurads a Tinizong. Quai èn 20 giadas dapli che quai ch’i vegn elavurà en la resgia actuala. Planisà è plinavant in indriz da setgentar la laina. En tut vul la Resurses SA investir passa 18 milliuns francs en il project. Las emprimas plantas pudessan vegnir resgiadas l’enviern 2023.

audio
Per tadlar curt e cumpact
01:08 min, Actualitad dals 02.09.2021.
laschar ir. Durada: 01:08 minutas.

RTR novitads 06:00

Artitgels legids il pli savens

Scrollar a sanestra Scrollar a dretga