Sche tut va tenor plan e la regenza approvescha la revisiun parziala a Tinzong, duess la dumonda da bajegiar vegnir inoltrada quest atun. Sco quai che Enrico Uffer, il president da la Resurses SA ha ditg envers RTR, vegnia il project finanzià senza daners dal maun public e senza contribuziuns externas. La realisaziun duess entschaiver il mars da l'auter onn.
Enfin 30'000 meters cubics laina ad onn duessan vegnir elavurads a Tinizong. Quai èn 20 giadas dapli che quai ch’i vegn elavurà en la resgia actuala. Planisà è plinavant in indriz da setgentar la laina. En tut vul la Resurses SA investir passa 18 milliuns francs en il project. Las emprimas plantas pudessan vegnir resgiadas l’enviern 2023.