Annemarie e Kurt Spring possedan trais dad 11 abitaziuns d’ina chasa gronda a Brinzauls. Els èn dentant ils unics en chasa che vivan era en vischnanca. Da stuair bandunar adina puspè il da chasa e da supportar las temas che la bova fa ad els di e notg n’è per els nagina perspectiva.
Jau na poss betg pli viver a Brinzauls, jau na riv propi betg pli...
Per bandunar la chasa e fabritgar ina nova existenza, sto la chasa existenta vegnir sbuvada. Quai pretenda ina lescha federala. Dentant dovri per quai il consentiment da tut ils proprietaris – quai che tar ils Springs betg il cas per il mument.
Tant la vischnanca, sco era il chantun enconuschan questa problematica e tschertgan ina soluziun – pertge in cas sco Brinzauls cun in privel che vegn e va – n’haja quai anc mai dà enfin uss. Dentant èn Annemarie e Kurt Spring liads vi da lur proprietad a Brinzauls e speran che quell’odissea prendia ina fin tant pli spert.
