Siglir tar il cuntegn

Header

audio
Brinzauls: Rutsch ha chaschunà tren svià
Or da Actualitad dals 25.03.2021.
laschar ir. Durada: 3 minutas 16 Secundas.
cuntegn

Tren svià a Casti La Viafier retica saveva dal privel

Il tren da la Viafier retica ch’è svià la mesemna suentermezdi è svià en ina zona enconuschenta. Tenor Christian Florin, il manader da l’infrastructura da la Viafier retica, fetschia in traject da dus kilometers tranter Surava a Casti adina puspè problems cun ils binaris che sa movian ferm.

La raschun sajan ils moviments sut terra che chaschunian era la bova da Brinzauls. Tut quai haja in’influenza fin giu en la val nua che la lingia dal tren passia. Cura ch’il tren saja svià la mesemna saja quel cursà cun ina sveltezza da radund 30 kilometers per ura. Normalmain valia là 50 kilometers l’ura. Perquai ch’ils binaris sa muvevan ins haja reducì il tempo. Tuttina sajan dus vaguns sviads. Tenor Christian Florin na saja quai dentant cun quest tempo plaun strusch stà da sentir dals viagiaturs.

Lavurs fan progress

La gievgia vers saira ha la Viafier retica communitgà, che las lavurs sin il traject tranter Casti e Filisur fetschian progress. Perquai quinta la Retica da puspè avrir la lingia da l'Alvra il venderdi en damaun.

RTR actualitad 17:00

Artitgels legids il pli savens