Sco quai che l’ospital da Tusaun scriva en ina communicaziun, haja la Fundaziun Ospital Tusaun pudì engaschar a Nadège e Werner Krafft. Il pèr da medis d’uffants maina la partiziun medicinala da la pratica da medis a Tusaun.
Plinavant vegnia la media Nadina Stoffel, che lavura dapi il fanadur da quest onn en la pratica, vinavant a lavurar per la practica da medis d’uffants. Cun in’ulteriura media d’uffants saja l’ospital da Tusaun en contractivas.
Gia occupada saja era la squadra da la pratica. Plinavant vul l’ospital modernisar in pau la pratica da medis d’uffants – quai tut tenor il basegn da las medias ed ils medis.
