Curdin Capaul ch’appartegna a la Partida liberaldemocratica svizra vuless gugent cuntinuar per la proxima perioda d’uffizi. Blers gronds projects che sajan s’avanzads bain, giajan en votaziun il proxim temp, e quels vuless el gugent persequitar vinavant, ha ditg il president en uffizi. El haja grond plaschair vi da la lavur en suprastanza, e Curdin Capaul è da l’opiniun ch’ins haja il davos temp lavurà bain e possia cuntinuar a sviluppar la vischnanca.
Ivo Rohrer ch’è commember da la Partida verd-liberala viva dapi dus onns a Tusaun. El veglia dar a las electuras ed electurs ina schelta. Da Tusaun haja el survegnì ina buna impressiun. Transparenza ed onestadad hajan per el ina gronda impurtanza. Sch’el vegniss elegì sco president communal, vuless el far ina politica datiers dals burgais. Rohrer deriva dal chantun Sursilvania e lavura tar la Viafier retica sco manader da project IT.
