Sco quai che Natacha Espirito Santo da la «Offene Jugendarbeit Viamala Glais 18» ha ditg envers RTR, saja l’alcohol omnipreschent: «Sch’ins guarda, quant alcohol che giuvenils e creschids consumeschan, lura ins percorscha spert che lavur da prevenziun è fitg impurtanta». En il discurs cun ils visitaders dal char annex ins veglia surtut vegnir en discurs cun giuvenils – ma era cun creschids. Ins veglia mussar: «I dat era drinks senza alcohol ch’èn buns. Ed ins po avair legher era senza baiver alcohol durant ina festa.»
La «Blue Cocktail Bar» è da chattar a la Neudorfstrasse tar la biblioteca. La festa dal vitg da Tusaun ha lieu ils 26 e 27 d’avust. Radund 40 firmas, uniuns ed expositurs èn preschents a la festa.
