Sämi Singer sa deditgescha gia dus decennis cun gronda passiun a stgaffir sias ovras. Ch'el haja insumma cumenzà a dissegnar saja plitost in schabetg. Cur ch'el haja gì 60 onns, haja sia famiglia regalà ad el in curs da dissegnar, e lura haja tschiffà el. Davent da là haja el adina dissegnà e gì plaschair. Ed era la glieud haja gì plaschair. Ch'i vegnia a prender talas dimensiuns cun exposiziuns n'avess el mai pensà.
Suenter in temp hani sfurzà mai da far finalmain in'exposiziun. E quella è stada in grond success. Jau hai pudì vender la mesadad dals maletgs. Quai ha fatg curaschi, ed jau hai fatg vinavant.
Ils animals da Sämi Singer
-
Bild 1 von 11. Bildquelle: RTR.
-
Bild 2 von 11. Bildquelle: RTR.
-
Bild 3 von 11. Bildquelle: RTR.
-
Bild 4 von 11. Bildquelle: RTR.
-
Bild 5 von 11. Bildquelle: RTR.
-
Bild 6 von 11. Bildquelle: RTR.
-
Bild 7 von 11. Bildquelle: RTR.
-
Bild 8 von 11. Bildquelle: RTR.
-
Bild 9 von 11. Bildquelle: RTR.
-
Bild 10 von 11. Bildquelle: RTR.
-
Bild 11 von 11. Bildquelle: RTR.
L'um dad 80 onns accentuescha: Era sche ses maletgs sa vendian magari bain, dissegnia el ord spir plaschair ed insumma betg per far raps. Ni tschiervs, chamutschs, capricorns, vulps e schizunt il luf n'è betg protegì da sias colurs. E quai per ina simpla raschun: Sco chatschader, alpinist e skiunz saja el gugent en la natira ed haja gì la chaschun d'observar ils animals. El haja plaschair da laschar viver quels sin il palpiri.
Per quest onn hai jau avunda. Respectivamain in pèr dissegns pitschens fatsch jau forsa schont. Ussa hai jau simplamain ina giada in congedi per far urden e far patratgs, tge che jau vi dissegnar sco proxim.
La vernissascha en il museum «Tgea da Schons» il di ch'el cumplettescha ils 80 saja in bel regal. El haja dentant gia festivà ordavant l'entschatta matg en la Part Sura Bernaisa. Quai mademamain cun ina vernissascha da sias ovras. Ils ultims mais haja el pia gì da far mordio.