Per l'Auto da Posta ch’avess gugent laschà cursar ses emprim bus cumplet electric dal Grischun en il manaschi regular, è la tema d’ina panna pervi da battarias vidas nungiustifitgada. «Nus avessan gugent introducì il bus electric a Lai, e tenor nossas calculaziuns fissi era stà pussaivel, da far in’entira tura cun il bus era durant l’enviern», ha ditg Roger Walser, manader martgà e clients Ost da l’Auto da Posta. Era sch’el deploreschia la decisiun dal parlament dal cussegl communal da Vaz, spera el ch’in di daventia tuttina pussaivel, d’introducir in bus electric a Lai. Tests da stad da l’Auto da Posta a Lai han mussà ch’il bus electric cursescha senza problems. L’enviern è quest bus dentant mai cursà là.
Legenda:
Quest bus dad Auto da Posta è cursà en ina fasa da test a Lai, qua il settember 2020.
Federico Belotti