Siglir tar il cuntegn

Header

audio
Vaz: Purtret dal nov president Maurin Malär
Or da Actualitad dals 28.12.2021.
laschar ir. Durada: 3 minutas 31 Secundas.
cuntegn

Vaz Cun in giuven en il 2022

Igl è stà ina pitschna surpraisa l'avust passà cura che Maurin Malär è vegnì elegì en l'emprim scrutini sco president communal e succesur dad Aron Moser ch'ha demissiunà cun vegnir en la vegliadetgna da pensiun.

Maurin Malär è cun ses 31 onns in president communal fitg giuven. Il manager d'events ha avant trais onns fatg il meglier resultat per il cussegl communal da Vaz. Plinavant è el bain collià en il turissem. Quai è fitg impurtant per la vischnanca. Ma er sch'el vegn da quella branscha, na munta quai betg chi vegnia ussa guardà pli pauc sin la detta als turistichers.

Ina da sias prioritads sco president communal vegnia ad esser da stgaffir spazi da viver per indigens. Quai saja ina sfida – tranter auter er en vista da la planisaziun dal territori.

Chasa comunala Vaz
Legenda: La chasa communala da Vaz survegn il 2022 in nov schef. RTR, Toni Poltera

L'introducziun en ses uffzi saja stada – davart dal president partent – exemplarica, raquinta Maurin Malär. El vul dar gas. El è dentant er conscient ch'ils mulins politics molan pli plaun. Ed uschia sappia el che sia pazienza vegnia a vegnir testada. Impurtant è ad el che decisiuns vegnian purtadas da la maioritad e che l'argumentaziun è clera. Uschia vegnia el a dar bler pais sin la communicaziun.

RTR actualitad 12:00

Artitgels legids il pli savens

Scrollar a sanestra Scrollar a dretga