Igl è ina pitschna surpraisa che questa decisiun è gia crudada questa dumengia. Atgnamain avevan ins spetgà, tar trais candidats per il post da presidi, cun in segund scrutini. Il gastronom Ueli Pircher da Lai, l'anteriur veterinari chantunal Kaspar Jörger da Valbella ed il manager d’events Maurin Malär da Lai avevan candidà per daventar president communal. Fatg la cursa ha l'ultim.
Il pli giuven dals candidats è vegnì elegì cun 50,6% da las vuschs u 513 vuschs totalas en uffizi. Quai èn sulettamain 5 dapli che la maioritad absoluta.
Trais novs en suprastanza
Ils da Vaz han er elegì la dumengia trais novs en suprastanza: Beat Fausch da Valbella, Kilian Margreth da Lain e Romano Paterlini da Lai. Reelegì è vegnì Thomas Parpan da Lai che fa gia dapi intgins onns part da la suprastanza. Quai n'è però tut nagina surpraisa. Per la suprastanza hai dà tants posts sco candidats.
