Siglir tar il cuntegn

Header

cuntegn

Vaz Maurin Malär è il nov president da Vaz

La vischnanca da Vaz ha in nov president. L'organisatur d'events Maurin Malär è vegnì elegì la dumengia en uffizi.

Igl è ina pitschna surpraisa che questa decisiun è gia crudada questa dumengia. Atgnamain avevan ins spetgà, tar trais candidats per il post da presidi, cun in segund scrutini. Il gastronom Ueli Pircher da Lai, l'anteriur veterinari chantunal Kaspar Jörger da Valbella ed il manager d’events Maurin Malär da Lai avevan candidà per daventar president communal. Fatg la cursa ha l'ultim.

audio
Maurin Malär: «Igl è segir ina pitschna surpraisa ch'igl è gist gartegià»
00:17 min, RTR Audio dals 29.08.2021.
laschar ir. Durada: 00:17 minutas.

Il pli giuven dals candidats è vegnì elegì cun 50,6% da las vuschs u 513 vuschs totalas en uffizi. Quai èn sulettamain 5 dapli che la maioritad absoluta.

Elecziun dal presidi

Avrir la box Serrar la box
  • Maurin Malär – 513 vuschs
  • Kaspar Jörger – 307 vuschs
  • Ueli Pircher – 194 vuschs

Pli absolut: 508 vuschs

Trais novs en suprastanza

Ils da Vaz han er elegì la dumengia trais novs en suprastanza: Beat Fausch da Valbella, Kilian Margreth da Lain e Romano Paterlini da Lai. Reelegì è vegnì Thomas Parpan da Lai che fa gia dapi intgins onns part da la suprastanza. Quai n'è però tut nagina surpraisa. Per la suprastanza hai dà tants posts sco candidats.

RTR novitads 15:00

Artitgels legids il pli savens

Scrollar a sanestra Scrollar a dretga