Siglir tar il cuntegn

Grischun Central Vaz profitescha da Roger Federer

Il quint dal 2014 da Vaz/Obervaz serra cun in gudogn da 9.4 milliuns francs. Sulet tar las entradas da taglia hai dà in gudogn supplementar da passa 6 milliuns francs.

Roger Federer sin ina plazza da tennis.
Legenda: Roger Federer è in bun pajataglia per Vaz/Obervaz. Keystone

Tenor il president communal Urs Häusermann, saja il resultat uschè positiv tranter auter er grazia al bun pajataglia Roger Federer che posseda a Valbella ina chasa da vacanzas. Sbassar il pe da taglia actual da 80%, na vegnia però betg en dumonda, ha ditg Urs Häusermann.

Era sch’ins vegnia il 2015 probabel er a far in gudogn, na vegnia il quint da quest onn per franc betg pli ad esser uschè bun sco quest onn, ha confermà il president communal. Sco en autras vischnancas, fetschian quitads l’iniziativa da segundas abitaziuns.