Via Spluga - Punt è vegnida installada cun success
Ina nova punt da lain che traversa il lai da fermada da Balamburtg è vegnida installada la notg da venderdi sin sonda. Sco quai ch’il Parc Natiral Beverin scriva, sajan las lavurs idas tenor plan. Ordavant haja duvrà plirs onns da planisar e rimnar ideas.
Legenda:
Las persunas principalas dal project: Domenig «Dimi» Mani, Claudio Müller, Marco Müller e Flurin Melchior (da sanester).
mad
7 / 17
Legenda:
Impressiuns.
mad
8 / 17
Legenda:
Impressiuns.
mad
9 / 17
Legenda:
Impressiuns.
mad
10 / 17
Legenda:
Nua è la punt?
mad
11 / 17
Legenda:
Impressiuns.
mad
12 / 17
Legenda:
Impressiuns.
mad
13 / 17
Legenda:
Impressiuns.
mad
14 / 17
Legenda:
Impressiuns.
mad
15 / 17
Legenda:
Impressiuns.
mad
16 / 17
Legenda:
Impressiuns.
mad
17 / 17
Legenda:
Nua è la punt?
mad
Per far pli attractiva la senda da viandar Via Spluga è vegnida installada la punt ch’ha ina lunghezza da 42,5 meters ed è trais meters largia. Il transport da radund in kilometer haja entschet a las diesch il venderdi saira. Curt avant l’ina la notg saja il transport arrivà al lieu dal destin, nua che la punt è vegnida installada sin ils fundaments ch’eran gia fatgs. Curt avant las duas la notg saja la punt stada francada. L’auzament da la punt cun la crana al lieu haja la fin finala cuzzà mo 12 minutas.
Iniziants èn indigens
L’idea da construir ina punt sur il lai da fermada da Balamburtg è da Domenig Mani da l’interpresa Mani Holzbau e Flurin Melchior dal hotel Rofflaschlucht e la resgia Zups. L’onn 2010 hajan els discutà, co ch’ins pudess far pli attractiva la senda da viandar. Il giavisch da Flurin Melchior saja stà da construir ina punt cun laina indigena. Ses giavisch è ussa ì en vigur, e la punt po a partir d’immediat vegnir nizzegiada dals viandants. Grazia la nova punt scroda ina pendenza da radund 100 meters autezza tranter Andeer e Sur/Sufers.
