Siglir tar il cuntegn

Header

video
Viamala vegn illuminada la notg
Or da sil punct dals 04.08.2023.
laschar ir. Durada: 2 minutas 30 Secundas.
cuntegn

Viamala Chavorgia vegn illuminada la notg

A chaschun dal giubileum da 200 onns via commerciala e per porscher ina nova attracziun ed attrair uschia puspè dapli glieud, vegn la chavorgia da la Viamala illuminada questa stad. La Viamala Infra ha investì 150’000 francs en l’illuminaziun.

Sco che Patric Berg, commember da la cooperativa Viamala Infra e directur da Viamala Turissem di, na veglian ins cun l’illuminaziun betg far ina disco u in Disneyland. Ins veglia dar ina plivalur a la chavorgia era durant la saira. Mintg’onn visitian tranter 50’000 – 65’000 persunas la chavorgia, la tendenza saja lev regressiva. Uschia ins veglia motivar la glieud da vegnir era ina segunda giada en la chavorgia. Perquai ch’ins s’accorschia che la gronda part da las visitadras e visitadras vegnian mo ina giada a guardar la chavorgia.

La chavorgia vegn illuminada la gronda part da las sairas durant l’avust e l’october. In’entrada per in creschì custa 15 francs, durant il di è quai 8 francs. Sch’il quint giaja si, alura vegnia l’installaziun da glisch era l’autra stad puspè installada, ha ditg Patric Berg. Pussaivel saja d’illuminar la chavorgia gia pli baud durant la stagiun. Durant l’enviern è la chavorgia da la Viamala mintgamai serrada.

RTR sil punct 17:45

Artitgels legids il pli savens

Scrollar a sanestra Scrollar a dretga