L'aua da funtaunas pon ins baiver senza far quitads. Tenor il labor chantunal grischun èn 80% da las provas da funtaunas en il Grischun ed il chantun Glaruna impeccablas. Ella ha prendì provas da funtaunas sper sendas e sin plazs da termagls e grillar da qualitad impeccabla.
Quai è ina midada. Cumpareglià cun avant quatter onns è la qualitad da l'aua da baiver meglra. Tar l'ultima examinaziun da l'Uffizi per la segirezza da victualias chantunal èn mo la mesadad da las provas stadas bunas. Il chemicher chantunal Matthias Beckmann di ch'i saja sa midà bler en ils davos quatter onns. Las vischnancas hajan realisà ch'i na tanschia da mo laschar ir aua, mabain ch'ins stoppia er guardar ch'ella haja la dretga qualitad.
Tar las 20% da las provas cun resultat negativ hajan ins constatà scherms fecals. Quai bain betg en dosa privlusa però stoppian las vischnancas far remedura. Tar l'aua da baiver valia il princip da toleranza nulla.