Il turissem grischun survegn in post spezialisà per la transfurmaziun digitala. La regenza grischuna ha perquai approvà in credit da 1,45 milliuns francs. Per las interpresas turisticas e lur collavuraturas e collavuraturs saja ina sfida da s’occupar cun l'incumbensa da la transfurmaziun digitala.
Il post duai perquai intermediar las enconuschientschas necessarias. La direcziun dal nov post spezialisà ha la regenza grischuna surdà a l'uniun GRdigital en furma d'ina incarica da prestaziun. I sa tracta dad in project da pilot limità sin 4 onns.
