Siglir tar il cuntegn

Header

audio
Nova uniun: «Grischuns gidan Grischuns»
Or da Actualitad dals 24.12.2020.
laschar ir. Durada: 03:01 minutas.
cuntegn

«Grischuns gidan Grischuns» Ina nova uniun fundada en temp da corona vul gidar

«La miseria sa chatta era avant chasa, perquai na gian nus betg sur cunfins», quai è il motto da la nova uniun «Grischuns gidan Grischuns».

Ch'i dat povradad era en il Grischun è cler – mo forsa betg adina e per tuts tuttina visibel. La Caritas scriva sin sia pagina d'internet che mintga 12avla persuna en Svizra è pertutgada. La definiziun da pover è dentant en Svizra autra che per exempel a Haiti. Là vala insatgi sco pover sch'el u ella n'ha betg in da chasa. En Svizra è quai lura il cas, sch'insatgi na vegn betg da pajar sia existenza. Gist là vul era la nova uniun gidar.

Paupradad en il Grischun

In exempel or dal temp da corona è la situaziun che pertutgava tut las famiglias cura ch’i ha gì num far scola sin distanza. Betg mintga famiglia ha las medemas pussaivladads, sco p. ex. d'avair computers per mintgin. Er la situaziun che WLAN n'è betg simplamain gratuit avant maun ha engrevgià las finanzas da famiglias. Ina tala situaziun po gia manar ina famiglia als cunfins finanzials. E patir pateschan ils uffants che vegnan tractas different ed uschia n'han els betg pli las medemas schanzas. Quai è be in exempel co ina famiglia po vegnir en miserias.

Agid sper l'agid social

Per «Grischuns gidan Grischuns» èn las organisaziun socialas existentas las adressas principalas. Nua che lezzas n'han betg las pussaivladads da gidar vegn la nova uniun en funcziun. Cun lur slogan «Grischuns gidan grischuns» èn els da buna speranza ch'els chattan er sustegn per lur idea da l'agid quasi per vischins.

RTR actualitad 07:00

Artitgels legids il pli savens

Scrollar a sanestra Scrollar a dretga