Per in onn è il liberaldemocrat Tarzisius Caviezel il pli aut Grischun. Sia patria, la vischnanca da Tavau ha perquai envidà ad ina festa la sonda. La populaziun è s'incuntrada cun la politica durant in apero - deplorablamain en il center da congress pervia da la plieviga.
Silsuenter ha la prominenza politica gudì in gentar e blers pleds e differenta musica en sala. Tradiziun a questas festas èsi dentant er che politicras e politichers dattan in zic en las costas in a l'auter.
audio
Piztgadas da e per politichers
04:17 min, ord Actualitad dals 03.09.2022.
laschar ir. Durada: 4 minutas 17 Secundas.
La festa a Tavau
1 / 15
Legenda:
Il pli aut Grischun vegn accumpagnà dal salter.
RTR
2 / 15
Legenda:
Tarzisius Caviezel è arrivà da Cuira a Tavau cun in tren spezial – ensemen cun deputadas e deputads dal Cussegl grond.
RTR
3 / 15
Legenda:
La societad da musica Tavau Claustra fa bainvegni.
RTR
4 / 15
Legenda:
En il foyer dal center da congress hai dà in apero per l'entira populaziun.
RTR
5 / 15
Legenda:
Il president da Tavau Philipp Wilhelm en discussiun cun il president da la regenza Marcus Caduff.
RTR
6 / 15
Legenda:
Fatschas giuvnas en il Cussegl grond.
RTR
7 / 15
Legenda:
Il cusseglier naziunal Martin Candinas e la deputada Aita Zanetti.
RTR
8 / 15
Legenda:
Suenter l'apero han ils giasts envidads giudì in gentar en la sala dal center da congress.
RTR
9 / 15
Legenda:
Quai è tradiziun: Sco regal da la regenza survegn Tarzisius Caviezel cornas capricorn.
RTR
10 / 15
Legenda:
Na, el na saja betg quel sin il tetg dad SRF Meteo, mabain il frar: Stefan Flury uschiglio d'udir tar SRF 3 – ha moderà la festa.
RTR
11 / 15
Legenda:
Ina u l'autra piztgada a collegas è tradiziun durant la festa – er per il president da la regenza.
RTR
12 / 15
Legenda:
Il president da la PPS Roman Hug ha imità la producziun musicala ch'è stada d'udir la mesemna en il Cussegl grond.
RTR
13 / 15
Legenda:
La scheffa da la fracziun liberaldemocratica Vera Stiffler ha demonstrà in model da preservaziun per tschiervs.
RTR
14 / 15
Legenda:
Il Chor dal Cussegl grond sut la batgetta dad Ursin Widmer n'ha natiralmain betg dastgà mancar.
RTR
15 / 15
Legenda:
Ed els han survegnì standing ovations: Las giuvnas ed ils giuvens dals «Swing Kids» ha procurà per buna luna.
RTR
In u l'auter chatschadur è dentant stà en in dilemma: Ir a la festa dal pli aut Grischun ubain ir il prim di a chatscha la sonda? RTR ha dumandà co ch'ils deputads èn sa decidids e s'organisads.
03:14
video
Intervistas cun politichers e chatschaders
Or da Telesguard dals 05.09.2022.
laschar ir. Durada: 3 minutas 14 Secundas.
Elecziun en il Cussegl grond
Mintgamai la sessiun d'avust elegian deputadas e deputads uffizialmain lur president per in onn. Quai saja en sia carriera politica il pli bel uffizi, ha el tradì en l'intervista cun RTR, gist suenter l'elecziun da mesemna.
audio
Intervista cun Tarzisius Caviezel gist suenter l'elecziun
02:11 min, ord Actualitad dals 31.08.2022.
laschar ir. Durada: 2 minutas 11 Secundas.
Il liberaldemocrat surpiglia per immediat l'uffizi dad Aita Zanetti (AdC, Sent). Igl è usit ch'il Cussegl grond elegia mintgamai en la sessiun d'avust ses president e fa silsuenter festa la sonda.
Tarzisius Caviezel, PLD
Avrir la boxSerrar la box
Legenda:
RTR
abita a Tavau
annada 1954
dapi 2020 president Uniun chantunala dals chatschaders da patenta
dapi 2014 deputà en il Cussegl grond
2013 - 2020 landamma da la vischnanca da Tavau
2007 - 2011 cusseglier naziunal
Il deputà liberaldemocratic è vegnì elegì cun 106 da 113 vuschs valaivlas. Che quai èn pli paucas vuschs che ses antecessurs è ad el «uschè lung sco lad».
1 / 3
Legenda:
Tarzisius Caviezel durant la saramentaziun.
RTR
2 / 3
Legenda:
La famiglia da Tarzisius Caviezel ed il president da Tavau Philipp Wilhelm (dretg) durant la ceremonia.
RTR
3 / 3
Legenda:
La percussiunista Marianna Bednarska ha laschà resunar tuns nunusitads en la sala dal Cussegl grond.
RTR
Il post sco vicepresident va en ils mauns da l'Allianza dal Center: Il deputà da Cuira e president da Gastro Grischun Franz Sepp Caluori è vegnì elegì cun 111 da 116 vuschs valaivlas. Durant in onn vegn el a sustegnair Tarzisius Caviezel enten manar las debattas dal Cussegl grond, e la stad 2023 vegn el alura elegì sco president.
Franz Sepp Caluori, AdC
Avrir la boxSerrar la box
abita a Cuira
annada 1959
deputà en il Cussegl grond dal cirquit Cuira
president da Gastro Grischun
ospitant Cafe Confiserie Caluori
commember dal cussegl da scola da la scola professiunala artisanala Cuira
