Siglir tar il cuntegn

Header

cuntegn

Il temp da stad cumenza La dumengia da Pasca va in'ura a perder

Sco mintga onn èsi puspè uschè lunsch. Las uras vegnan midadas ed il temp da stad cumenza. La dumengia da Pasca, ils 31 da mars 2024, mida l'ura la notg a las 02:00 sin las 03:00.

Cura ch'il temp da stad è vegnì introducì l'onn 1981 en Svizra, n'èn betg tuts stads cuntents cun questa midada.

video
Temp da stad en stalla - betg tuts han plaschair
Or da L’archivar recumonda dals 28.03.1981.
laschar ir. Durada: 2 minutas 33 Secundas.

Il temp original è quel da l'enviern

Oriundamain è il temp da la Svizra, e da l'entira Europa Centrala – il temp d'enviern. Quel correspunda al temp universal (UTC) +1 ura. Cun il temp da stad stauschan ins il «cler» vers la saira. La stad è la levada dal sulegl pia pli tard, e nus avain uschia pli ditg cler la saira. Oriundamain è il motiv per introducir il temp da stad stà da spargnar energia la saira. Dentant vegn quai contestà ozendi:

video
Temp da stad: 4 motivs cunter la midada!
Or da Nouvo RTR dals 25.03.2017.
laschar ir. Durada: 1 minuta 27 Secundas.

Uniun europeica ha ponderà d'abolir la midada da temp

La primavaira 2019 èsi vegnì discutà intensivamain davart abolir la midada da temp. Quai era sin il palc politic. La Cumissiun da l'Uniun europeica aveva tractà la fatschenta e cun gronda maioritad vuschà d'abolir la midada da temp.

Ils represchentants dals stadis commembers da l'UE che sesan en il Cussegl d'Europa han enfin uss dentant betg decidì, sch'els vulan mantegnair il status quo u sch'els vulan abolir la midada da temp.

Actualmain vegn la midada da l'ura pia mantegnida. Ma quai pudess sa midar, la discussiun d'abolir il temp da stad è anc adina actuala.

RTR novitads 06:00

Artitgels legids il pli savens